أخبار وطنية الحوار التونسي تنشر رسالة لأحد المتابعات تُكشف فيها تفاصيل مؤثرة عن كرم وحب التونسي للتونسي
نشرت الصفحة الرسمية لقناة الحوار التونسي رسالة من أحد المتابعات جاء فيها ما يلي:
" تحية لشرطة وحرس قرية " نفزة " و اهالي نفزة ، شفت الكرم و حب التونسي للتونسي وقت الي تعطلة الحافلة متاعنا في قرية نفزة لقينا الشرطة و الحرس معانا لحظة بلحظة امنولنا كل شي امنولنا مكان نباتو فيه و امنولنا الطريق ، الشرطي استدعانا لدارو و قالنا انا نعشيكم .
الحافلة فيها 55 شخص الشرطة اتكلفوا بينا ووكلونا على حسابهم و بفلوسهم شراولنا الماء و الماكلة و رحبو بينا في المركز و قدمولنا الماكلة من درايرهم و لآخر لحظة كانو معانا ،،، و اهالي نفزة تضامنو معانا و عاونونا لقينا العطار يعطي فينا بلاش و لقينا الناس توصل فينا بكراهبها و لقينا الناس الطيبة الي استدعاونا لديارهم و الناس الباهية الي وقت شاف الكار ملوحة و فيها العباد جا و سأل و مشا لدارو 3 متاع الصباح يطيب و يجيب في الماكلة و يفرق لقينا المطاعم حالّة ابوابها لينا في الليل ،، مكذبش الي قال التونسي للتونسي رحمة ..
الف تحية للامن التونسي في باجة " نفزة " و للأهالي الكل"..
